នៅថ្ងៃទី១៧ ខែមេសា ឆ្នាំ១៩៥០ រយៈពេល ២៥ ឆ្នាំគត់ មុនពេលខ្មែរក្រហមដើរចូលទីក្រុងភ្នំពេញ អង្គភាពតស៊ូរបស់ខ្មែរបានប្រមូលផ្តុំជាមួយកងកម្លាំងវៀតមិញចូលរួមក្នុង “រណសិរ្សរួបរួមឥស្សរៈ”។ រណសិរ្សនេះដឹកនាំដោយអ្នកនយោបាយកុម្មុយនីស្តកម្ពុជា សឺង ង៉ុកមិញ
ប៉ុន្តែនៅតែគ្រប់គ្រងដោយសមាជិកវៀតមិញ⁴។

បក្សប្រជាជនបដិវត្តន៍ខ្មែរ បង្កើតក្រុមប្រជាជនដើម្បីបម្រើជាកម្លាំងចលកររបស់បក្សក្នុងការចូលរួមផ្នែកនយោបាយ និង ដើរតួនាទីជាតួអង្គសាធារណៈសម្រាប់ចលនាបដិវត្តន៍ក្នុងប្រទេសកម្ពុជា។ សមាជិក ក្រុមប្រជាជនត្រូវបានគេហៅថា “ខ្មែរក្រហម”។

ពួកគេបរាជ័យក្នុងការបោះឆ្នោតជាតិដោយចាញ់បក្សសង្គមរាស្ត្រនិយមហើយត្រូវរងការបៀតបៀនពីប៉ូលិសនិងយោធា។

នៅពីក្រោយឆាក បក្សប្រជាជនបដិវត្តន៍ខ្មែរ
បានរៀបចំឡើងវិញ ក្រោមការគ្រប់គ្រងរបស់ គណៈកម្មាធិការមជ្ឈិម ដែលមានសមាជិកប្រាំរូប ដែលទទួលបានការជួយគាំទ្រពី
សាឡុត ស (ប៉ុល ពត) និង នួន ជា⁸។